شحال من جبل كاين فالمغرب؟
#cb_travel
الى سولنا السواد الاعظم ديال المغاربة على شحال من جبل كاين فالمغرب أيقولو ليك توبقال و مگون و الكاتدرال و تيذغين و بويبلان و سيروا ، و أقلية لي اتعرف واحد العشرة فوق هادو و اقلية اكثر لي اتزيدكم 10 فوق 16 ونتا غادي، هذا لأنه معطينش اهمية لواحد الكنز كيتوفر عليه المغرب و لي دول بحال نيبال عايشين غير بيه و هي الجبال و السياحة الجبلية.
المغرب كيتوفر على اربع سلاسل جبلية الشيء لي كيميزنا على باقي دول الجوار و الدول العربية كاافة ، زائد عندو سلسلة الاطلس الكبير فيها قمم شاهقة ( 11 فوق 4000 متر) ، و كاين تنوع هائل فنوعية الجبال و طبيعتها ، و حنا كمغاربة خاصنا نكونو عارفين هادشي ، حشومة يجي فرنسي يقوليك عندكم قمة اكسوال قمة جميلة و صعبة ، و نتا اتبقى دور فعينيك و تقوليه فين جات.
اليوم الكثير من الشباب دايرين الخدمة ديال وزارة السياحة و كيعرفو بعدة مناطق فالقريب كانت مجهولة تماما.
فهاد الڤيديو كنت طلعت لاربع قمم ف 12 ساعة ، قمم تاضات ، انغمر، ايور و بويگنوان فمنتزه توبقال قرب قرية تاشديرت، قمم رائعة و جميلة ، كتعطيك مناظر خرافية ، و خصوصا مع الثلوج لي كانت عاد طاحت.
الڤيديو كامل :
https://youtu.be/2gyqvW6hy5I
تقدرو ضربو طليلة علي القناة مغديش تندمو و غادي تخرجو راسكم عامر و عينيكم مستمتعين بمناظر مكنتوش كتظنو انها كاينة فالمغرب ، و متبخلوش على القناة بالإشتراك من اجل تشجيع المحتوى و تقديم المزيد بصيغة أفظل.
تحياتي .
#10k
تعليقات
إرسال تعليق